Цукуба университети ва Япония илғор саноат фанлари ва технологиялари миллий институтининг япон олимлари Қуёш фаоллиги, Ер иқлими ва сейсмик фаоллик ўртасида мумкин бўлган боғлиқликни аниқлашди.
Тадқиқот натижалари Chaos илмий журналида чоп этилди.
Мутахассислар зилзилалар, Қуёш фаоллиги ва Ер юзаси ҳарорати ҳақидаги маълумотларни таҳлил қилиш учун математик ва ҳисоблаш усулларидан фойдаланишди. Улар Ер юзаси ҳарорати маълумотларини моделларга киритиш прогнознинг аниқлиги, айниқса чуқур бўлмаган ҳудудда юзага келадиган зилзилалар учун яхшиланганлигини аниқлашди.
Қуёш фаоллиги туфайли сайёра юзаси ҳароратининг ўзгариши тоғ жинсларининг хусусиятларига таъсир қилиши мумкин, бу уларни янада мўрт ва ёрилишга мойил қилади. Бу жараёнлар ер ости сувининг ҳаракатини ҳам ўзгартириши мумкин, бу эса ўз навбатида тектоник плиталар чегараларидаги босимни ўзгартириши мумкин.
Тадқиқот шуни кўрсатдики, Қуёш иссиқлигининг Ер юзасига ўтиши ҳақиқатан ҳам сейсмик фаолликка озгина бўлса-да таъсир қилиши мумкин.
Кашфиёт муаллифларининг фикрича, Қуёш фаоллиги прогнозларини Ердаги ҳарорат моделларига киритиш зилзилаларни башорат қилишни такомиллаштиришда муҳим воситага айланиши мумкин, деб хабар беради report.az.
