Хитой аср ўрталарига келиб тоза энергия ишлаб чиқариш учун термоядровий синтез технологиясини жорий қилишни режалаштирмоқда, деб хабар беради Bloomberg.
Термоядровий синтез – бу енгил атом ядроларининг оғирроқ бўлган ядроларга айланиши ва катта миқдордаги энергияни ажратиш жараёни. Бу механизм Қуёш ва бошқа юлдузларга асосланади. Атом ядроларининг бўлинишига асосланган анъанавий ядро энергиясидан фарқли ўлароқ, термоядровий реакциялар радиоактив чиқиндиларни келтириб чиқармайди ва деярли тугамайдиган энергия манбаи ҳисобланади.
“Сунъий қуёш” деб номланувчи Хитой қурилмаси токамак бўлиб, кучли магнит майдонларидан ўта қизиб кетган плазмани ўзида сақлайдиган ва термоядровий реакцияларни давом эттирадиган қурилма. 2023 йилда CNNC China Fusion Corp.ни ташкил этди ва технологияни ривожлантириш учун 240 миллион доллар сармоя жалб этди.
Айни пайтда фақат бир нечта давлат, жумладан АҚШ, Россия ва Жанубий Корея термоядровий синтезни ўрганишда муваффақиятга эришди. Бироқ, Хитой ушбу соҳада етакчилардан бирига айланиш учун илмий ва технологик саъй-ҳаракатларини фаол равишда оширмоқда.
Пекин термоядровий синтез бўйича тадқиқотлардан ташқари, кичик реакторлар ишлаб чиқаришни кўпайтиришни ва анъанавий атом электр станциялари паркини кенгайтиришни режалаштирмоқда. CNNC маълумотларига кўра, мамлакат 2022 йилдан бери ҳар йили 10 га яқин янги реакторларни тасдиқлайди. 2030 йилга бориб Хитой АҚШ ва Францияни ортда қолдириб, дунёдаги энг йирик ядровий давлатга айланиши мумкин, деб хабар беради lenta.ru.
