Бразилияда тўқимачилик фабрикаси ходимаси танишини заҳарлагани учун қўлга олинди. Унинг фикрича, у ноқонуний равишда юқори лавозимга кўтарилган.
Ҳодиса февраль ойининг охирида Гояс штатидаги Абадиа-де-Гояс шаҳрида содир бўлган. Фабрика ходимаси иш жойида ўз идишидан ичимлик ичиб, заҳарланганини сезди ва дарҳол тез ёрдам чақирди.
Тергов жараёнида маълум бўлишича, унинг идишига заҳарли модда қўшган шахс ҳамкасби бўлиб чиққан. Улар узоқ вақт бирга ишлаб, яхши муносабатда бўлишган. Аммо жабрланувчи лавозими ошганидан сўнг, айбланувчи бунга адолатсиз қарор сифатида қараган. Улар бу масалада кўп тортишиб, охир-оқибат муносабатларини бузган. Ҳасад туфайли аёл танишини заҳарлашга қарор қилган.
Даволанишлар натижасида жабрланувчи ўз вақтида тиббий ёрдам олгани учун тўлиқ соғайган. Айбланувчи суиқасд қилишда айбланиб, қамоққа олинган. У олти йилдан йигирма йилгача озодликдан маҳрум этилиши мумкин.
