Россия президенти Владимир Путин 2025 йил 20 март куни янги фармонни имзолади. Унга кўра, Донецк ва Луганск «халқ республикалари» ҳамда Запорожье ва Херсон вилоятларида меҳнат қилмоқчи бўлган чет элликлар патентсиз ишлашни давом эттиришлари мумкин.
Мазкур тартиб 2023 йил апрелидан амал қилиб келаётган эди ва эндиликда 2025 йил охиригача узайтирилди. Ушбу ҳудудларда ишлашни хоҳлаган мигрантлар қуйидаги шартларга амал қилишлари керак:
- Бармоқ изларини топшириш;
- Биометрик маълумотларни тақдим этиш;
- Тиббий кўрикдан ўтиш.
Бу имтиёз фақат Россия назоратидаги Донбасс ва Украинанинг жанубий ҳудудларида меҳнат қилишни истаган мигрантларга тааллуқли. Россиянинг бошқа шаҳарларида ишлаётган муҳожирлар учун бу тартиб амал қилмайди.
