Бразилиянинг Паулу-Афонсу шаҳрида узоқ йиллар акушер бўлиб ишлаган 78 ёшли шифокор Франсиско Ксавьер ду Карму туғруқ жараёнида тўсатдан юрак хуружига учраб вафот этди.
Ҳодиса вақтида унинг ўғли – ўша касалхонада шифокор бўлиб ишловчи мутахассис ҳам ёнида бўлган ва отасини реанимация хонасига олиб боришга қанчалик уринмасин, натижа бўлмаган.
Пировардида, шифокорнинг жасадини операция залида олиб чиқиш чоғида бутун тиббиёт жамоаси уни кўз ёш билан олқишлар остида кузатган. Унинг ўлими нафақат ҳамкасблари, балки бутун шаҳар учун катта йўқотиш бўлди. Шаҳар маъмурияти марҳум хотирасига уч кунлик мотам эълон қилди.
