Бугун Тошкентда Ўзбекистон Республикаси Солиқ қўмитасининг 2024 йил якунлари ва келгуси режаларига бағишланган матбуот анжумани бўлиб ўтди.
2024 йилда давлат бюджетига режалаштирилган 196,5 трлн сўм ўрнига 199,5 трлн сўм солиқ тушумлари амалга оширилди, бу 2023 йилга нисбатан 33,5 трлн сўмга кўпдир. Солиқ тушумларида энг юқори ўсиш Тошкент шаҳри, Сирдарё, Тошкент, Хоразм ва Самарқанд вилоятларида кузатилди.
Шунингдек, солиқ маъмурчилиги рақамлаштирилиб, 74 та янги дастурий маҳсулот ишга туширилди. YandexGo ва бошқа йўналишсиз такси хизматлари легаллаштирилиб, 2024 йилда 497,9 минг фуқаронинг фаолияти ўзини ўзи банд қилган сифатида рўйхатга олинди ва жами 156,8 млрд сўм солиқ тўланди.
2025 йилнинг дастлабки натижаларига кўра, 1-чоракда давлат бюджетига режалаштирилган 45,5 трлн сўм ўрнига 48,2 трлн сўм тушумлар амалга ошди. Бу ўтган йилнинг шу даврига нисбатан 20% ўсиш демакдир.
