Аҳоли томорқалари ва деҳқон хўжаликлари ер майдонларидан самарали фойдаланишнинг қўшимча чора — тадбирлари тўғрисидаги Ҳукумат қарори эълон қилинди.
Қарорга кўра, энди аҳоли томорқаларининг ер майдонлари хатловдан ўтказилиб, бир ой муддатда “Оnline mahalla” платформасида Ўзбекистон Республикаси Иқтисодиёт ва молия вазирлиги ҳузуридаги Кадастр агентлигининг ахборот тизимларидаги маълумотлар асосида шакллантирилади.
Шунингдек, ушбу қарор назорати “Маҳалла еттилиги” хулосасига асосан аҳоли томорқалари ва ижарага олинган ер майдонларига экин экмаган ёки самарасиз фойдаланаётган шахсларга нисбатан қуйидаги чоралар кўрилади:
- томорқа ер эгалари ва деҳқон хўжаликларига давлат дастурлари доирасидаги имтиёзли кредитлар берилмайди;
- “Ижтимоий ҳимоя ягона реестри”га киритилган фуқаролар учун назарда турилган имтиёзлар тўхтатилади;
- “ Оnline mahalla” платформаси маълумотлари асосида экин экилмаганлиги аниқланган йил учун ер солиғи ставкаси уч карра ҳисобланади.
