Тошкент вилояти Экология, атроф-муҳитни муҳофаза қилиш ва иқлим ўзгариши бошқармаси инспекторлари Бўстонлиқ туманида екологик назорат тадбирларини ўтказди.
Рейд давомида Бўстонлиқ тумани ҳудудидан оқиб ўтувчи Оқсоқота сойининг оқим бўйлаб чап тарафидан давлат рақами йечиб олинган юклагич ёрдамида қум-шағал аралашмаларини МAН русумли юкташиш автотранспорт воситасига ҳеч қандай рухсатномасиз юклаб бераётганлик ҳолати аниқланди.
Ҳолат бўйича суриштирув жараёнида ҳайдовчилар ушбу жойдан қум-шағал аралашмаларини қазиб олишни И. исмли фуқарони оғзаки топшириғига асосан шу ҳудудда жойлашган тош майдалаш сехига олиб бориб тўкаётганлиги ва сехини номини билмаслигини маълум қилган.
Воқеа жойида Бўстонлиқ туман Ички Ишлар бўлими Йўл патрул хизмати ходими жалб қилиниб 1 дона юк ташувчи автотранспорт воситаси вақтинчалик сақлаб туриш учун туман ҳудудида жойлашган жарима майдончасига жойлаштирилди.
Ҳуқуқбузарлар ушбу ҳаракатлари билан Ўзбекистон Республикаси “Табиатни муҳофаза қилиш тўғрисида”ги ва “Ер ости бойликлари тўғрисида”ги Ўзбекистон Республикаси Қонун талабларини бузилишига олиб келган. Қазиб олинган қум-шағал аралашмалари хажми маркшейдир мутахассислари жалб қилиниб ўлчов ишлари амалга оширилди.
Ҳолат бўйича табиатга 4 504 378 636 (тўрт миллиард беш юз тўрт миллион уч юз йетмиш саккиз минг олти юз ўттиз олти) сўм миқдирида зарар етказилгани аниқланди. Ҳолат бўйича тўпланган ҳужжатлар Бўстонлиқ тумани Прокуратурасига юборилди.
