Мьянмадаги зилзила қурбонлари сони ортишда давом этмоқда. Табиий офат натижасида ҳалок бўлганлар сони деярли уч минг кишига етди. Бу ҳақда 2 апрел куни «Синьхуа» агентлиги маҳаллий ҳокимиятга таяниб хабар берди.
«2886 киши ҳалок бўлди, 4639 киши жароҳат олди. Яна 373 киши бедарак йўқолган», — деб ёзади агентлик.
Шунингдек, маҳаллий манбаларга кўра, Мьянмадаги мактаблардан бирида ўқитувчи бўлиб ишлаган россиялик фуқаро ҳам бедарак йўқолган. Бу ҳақда RT нашри «Khit Thit Media»га таяниб хабар берди.
