«The Economist» журнали таҳлилий бўлими — Economist Intelligence Unit томонидан 2024 йил учун эълон қилинган демократия индексида Ўзбекистон 0,2 балл йўқотиб, 2.12дан 2.10га тушди. Шунга қарамай, бошқа давлатлардаги ёмонлашувлар ҳисобига рейтингда икки поғона юқорилаб, 146-ўринни эгаллади.
Ҳисоботга кўра, Марказий Осиё мамлакатларида демократия даражаси ё пасайган, ёки ўзгаришсиз қолган. Туркманистон (1.66 балл) ва Тожикистон (1.83 балл) минтақада энг паст кўрсаткичларга эга. Қирғизистон ҳали ҳам етакчи бўлиб қолмоқда (3.52 балл), гарчи у ҳам пасайган. Қозоғистон 3.08 балл билан 118-ўринни эгаллаб, авторитар режимлар қаторида қолмоқда.
Минтақадаги энг юқори кўрсаткич Арманистонга тегишли — 5.35 балл ва 82-ўрин, бу эса уни гибрид режим сифатида тавсифлаш имконини беради.
Экспертлар таъкидлашича, демократия инқирози фақат минтақавий эмас, балки глобал миқёсда кузатилмоқда. Демократик институтлар фаолияти сайловсиз тузилмалар таъсирида қолмоқда, бу эса жамоатчиликда умидсизлик уйғотмоқда.
