2025 йил 17 апрелда қабул қилинган Ўзбекистон Республикасининг Қонуни (ЎРҚ-1057-сон) билан айрим қонун ҳужжатларига ўзгартириш ва қўшимчалар киритилди.
Ушбу қонунга мувофиқ, Истиқболли лойиҳалар миллий агентлигига қуйидаги йўналишлар бўйича ваколатлар юкланди:
- капитал бозорини тартибга солиш;
- суғурта бозорини тартибга солиш;
- лотереялар ва таваккалчиликка асосланган ўйинларни ташкил этиш.
Қонун билан “Суғурта фаолияти тўғрисида”ги Қонунда суғурта ташкилотлари раҳбарияти ва мулкдорларининг ишчанлик обрўсига қўйиладиган талаблар белгиланди.
Шунингдек, Фуқаролик кодексига қимор ва таваккалчиликка асосланган бошқа ўйинларни ўтказиш тартибини аниқлаштирувчи ўзгартиришлар киритилди.
Бундан ташқари, қонун ҳужжатларига киритилган қўшимчаларга кўра, қуйидаги фаолият турлари лицензияланадиган фаолият турлари сифатида белгиланди:
- лотереялар ташкил этиш;
- букмекерлик фаолияти;
- Интернет орқали таваккалчиликка асосланган ўйинларни ташкил этиш.
Қонун расмий эълон қилинган кундан эътиборан кучга киради.
