Ватикан 21 апрель куни вафот этган Папа Римский Францискни охирги манзилга кузатиш маросими 2025 йил 26 апрель, шанба куни соат 10:00 да Сен-Пётр соборида бўлиб ўтишини маълум қилди.
Маросимда дунё давлат раҳбарлари, қироллик оилалари ва миллионлаб ишонувчилар иштирок этиши кутилмоқда. Франциск жасади 24 апрелдан 26 апрелгача Сен-Пётр соборида жойлаштирилади ва ташриф буюрганлар марҳум билан хайрлашиш имконига эга бўладилар.
Папа Франциск 88 ёшда, Ватикандаги шахсий уйида инсульт туфайли вафот этди. У сўнгги ҳафталарда икки томонлама пневмониядан сўнг тикланиш жараёнида бўлган.
Ватикан маълумотига кўра, Папа Францискнинг ўлими 21 апрель куни кечқурун “Марта уйи”даги махсус маросимда расман тасдиқланган.
Марҳум Папа Франциск 2013 йили Бенедикт XVI истеъфосидан сўнг катта овоз билан сайланган эди. У ўз даврида камбағаллар, муҳтожлар ва адолат учун курашиб келган, ижтимоий тенгсизликка қарши чиқиб, черковдаги исроф ва мансабпарастликни танқид қилган эди.
АҚШ собиқ президенти Дональд Трамп Папа Францискни шахсан кузатиш нияти борлигини маълум қилди. Унинг таъбири билан айтганда, Франциск “яхши инсон бўлиб, тинчликни яхши кўрарди”.
