Жорий йининг 26 апрель куни кечқурун Канаданинг Ванкувер шаҳрида автомобиль Филиппин жамоаси томонидан уюштирилган кўча байрамида ҳаракатланаётган оломонни босиб кетди. Бу ҳақда CBC хабар берди.
Маълум қилинишича, Филиппин жамоаси энг муҳим байрамлардан бирини – XVI асрда яшаган мустамлакачиларга қарши курашчи Лапу-Лапу кунини нишонлаётган бўлган, ўшанда маҳаллий вақт билан кечки соат 8 атрофида қора рангли машина одамларни уриб юборган.
Ванкувер полицияси содир бўлган воқеани теракт деб ҳисобламаслигини маълум қилган. Ҳодиса оқибатида 11 нафар фуқаро вафот этган.
“Ҳозирча биз 11 киши ҳалок бўлганини тасдиқлашимиз мумкин, холос”, деган полития ходимлари.
Канаданинг “Global News” нашрига кўра, ҳалок бўлганлар орасида бир нафар бола ҳам бўлиши мумкин. Таъкидланишича, яна 6 киши жароҳатланган. Ванкувер полицияси жабрланганлар сонини ҳозирча маълум қилмаган.
Билдирилишича, автомобиль ҳайдовчиси – ванкуверлик 30 ёшли эркак воқеа жойида ҳибсга олинган.
