2025 йил 14 июнь куни Буюк Британияда поло учрашуви вақтида ҳиндистонлик 53 ёшли миллиардер Санджай Капур фожеавий тарзда вафот этди. Бу ҳақда Mirror нашри хабар берди.
Маълумотларга кўра, ўйин давомида Капур ўзини ёмон ҳис қилиб, бир неча дақиқа ичида ҳушини йўқотган. Кейинчалик аниқланишича, асалари унинг оғзи орқали нафас йўлига кириб, тўғридан-тўғри томоқ қисмини чаққан. Бу эса унинг организмида кучли аллергик реакция — анафилактик шокни келтириб чиқарган ва натижада юрак фаолияти тўхтаган.
Марҳум Санджай Капур поло спортининг ашаддий мухлиси бўлиб, ушбу ўйинларда мунтазам иштирок этар, шунингдек, Британия қироллик оиласи аъзолари билан яқин алоқада бўлган. У принц Уильям билан дўстона муносабатда экани маълум.
Капур ўлимидан бир неча кун олдин ижтимоий тармоқда шундай сатрларни қолдирган эди:
«Сизнинг ердаги вақтингиз чекланган. “Нима бўлса-чи?” деган фалсафани файласуфларга қолдиринг ва ўрнига “Нега бўлмасин?” деб яшанг».
