Жорий ўқув йилидан бошлаб, Ўзбекистон мактабларида ўқувчиларнинг мактабга келиши ва хавфсизлигини назорат қилиш мақсадида юзни таниш (face recognition) технологияси асосида автоматик рўйхатдан ўтиш тизими жорий этилади.
🔹 Энди ҳар бир ўқувчи мактабга кирганида махсус камералар орқали автоматик равишда рўйхатдан ўтади. Ушбу тизим орқали боланинг мактабга келган-келмагани аниқланади.
🔹 Агар бола мактабка келмаса, бу ҳақда ота-онанинг телефонига автоматик равишда СМС хабар юборилади.
🔹 Шунингдек, мактаблардаги кузатув камералари болаларнинг кечикиб келиш ҳолатлари, интизом бузилишлари ёки бошқа фавқулодда вазиятларни ҳам тасвирга олади.
Мазкур тизим босқичма-босқич жорий этилади ва ўқув йили бошлангунча барча мактабларда тўлиқ ишга туширилади. Бу орқали ҳар бир ўқувчининг мактабдаги иштироки реал вақтда назорат қилинади.
Янгиликнинг муҳим жиҳати шундаки, ота-оналар фарзандларининг мактабга келган вақти ёки келмагани ҳақида доимий маълумотга эга бўлишади.
