2025 йил 27 июнь куни Тошкент шаҳрида “Корея – Ўзбекистон Нодир Металллар Маркази” доирасида ODA бошқарув қўмитасининг учинчи йиғилиши бўлиб ўтди.
Тадбирда икки мамлакат вакиллари иштирокида нодир металлар соҳасидаги технологик ҳамкорлик, илмий тажриба ва келажак режалар муҳокама қилинди.
Йиғилиш доирасида қуйидаги асосий йўналишлар бўйича келишувга эришилди:
Янги технологик жиҳозлар етказиб бериш ва тасдиқлаш;
Нодир металлардан намунавий маҳсулотлар ишлаб чиқариш салоҳиятини ошириш;
Ўзбекистонлик муҳандислар учун Кореяда малака ошириш дастурини амалга ошириш;
2026 йилги ҳамкорлик режаси лойиҳасини ишлаб чиқиш.
Шунингдек, Корея Республикаси элчихонаси кенгаш вазири ва бош консул Жанг-хюн Кук йиғилишда сўзга чиқиб, шундай деди:
“Нодир металлар соҳасидаги технологияларни биргаликда ривожлантиришда Корея ва Ўзбекистоннинг ҳамкорлиги юқори натижалар беришига ишонамиз. Элчихона сифатида бу лойиҳани сўнгги манзилгача қўллаб-қувватлашга тайёрмиз.”
Тадбир давомида икки давлат делегацияси 2025 йилда етказиб берилиши режалаштирилган замонавий жиҳозлар – синтерлаш печлари, вакуумли қурилмалар, ион қопламалар, тозалаш станциялари каби объектларни муҳокама қилди. Шунингдек, 10 нафар мутахассиснинг Кореяда 2 ҳафталик ўқув дастури ҳам тасдиқланди.
