Хитой Халқ Республикаси Давлат кенгаши веб-сайтида маълум қилинишича, Хитой мамлакат жануби-ғарбидаги Тибет автоном ҳудудида жойлашган Ярлунг-Сангпо дарёсининг қуйи оқимида гидроэнергетика лойиҳасини қуришга расман старт берган.
Гидроэнергетика лойиҳасини амалга ошириш билан China Yajiang Group компанияси шуғулланмоқда, у қурилиш тугаллангандан сўнг объектдан фойдаланиш учун ҳам масъул бўлади. Шунингдек, Power China қурилиш компанияси ҳисоб-китобларига кўра, ГЭС йилига 300 миллиард кВт/соат электр энергияси ишлаб чиқариши мумкин. Лойиҳага киритилаётган инвестицияларнинг умумий ҳажми тахминан 1,2 триллион юань, яъни 167,2 миллиард АҚШ долларига тенг.
Қурилиш ишлари якунига етган маҳал ушбу иншоот кўлами бўйича дунёдаги энг катта электр станцияси — “Санся” гидроэлектростанциясидан ўзиб кетиши кутилмоқда.
