Ҳукуматнинг 2025 йил 29 июлдаги 474-сон қарори билан “Ўзбекистон Республикаси Мактабгача ва мактаб таълими вазирлиги тизимидаги дам олиш масканларига дам олувчиларни қабул қилиш тартиби тўғрисида”ги низом тасдиқланди.
Дам олиш муддати ва тартиби:
Низомга кўра, йўлланмалар йил давомида берилади ва дам олиш 12 кунлик кун тартиби асосида амалга оширилади.
– Илғор педагоглар ва вазирлик ходимлари учун: сентябрдан майгача
– Иқтидорли ўқувчилар учун: июндан августгача
Саралаш тартиби:
Ҳар бир ҳудудда ташкил этилган махсус комиссиялар томонидан дам олувчилар саралаб олинади.
7–14 ёшли иқтидорли ўқувчилар белгиланган мезонларга асосан танлаб олинади.
Дам олишга жалб этиладиган илғор педагоглар:
- Халқаро олимпиадалар ғолибларини тайёрлаган ўқитувчилар
- Халқаро олимпиада ғолиби бўлиб, ҳозирда ўқитувчилик қилаётганлар
- Хорижий тил ва STEAM фанларидан халқаро сертификатларга эга бўлганлар
- Республика босқичи олимпиада ғолибларини тайёрлаганлар
- Кўрик-танловларнинг республика босқичи совриндорлари
- Олий ва 1-малака тоифасига эга бошланғич синф ва мактабгача таълим педагоглари
- Вилоят босқичи олимпиада ғолибларини тайёрлаган ўқитувчилар
Белгиланган мезонларга мос келувчи номзодларга йўлланмалар кетма-кетлик асосида тақдим этилади.
