Шимолий Кореа автомактабларга аёлларни қабул қилишни бошлаган. Кореа президентлигига Ким Чен Ин келгунига қадар уларга фақат йўл ҳаракатини тартибга солиш рухсат этилган, машина ҳайдаш эса таъқиқланган эди.
Ҳозирда айрим автомактаблар Социалистик аёллар иттифоқи тавсияси асосида аёлларни ўқитишни бошлаган. Ҳайдовчилик гувоҳномасига эга бўлиш учун навбат 18 ойгача чўзилиши мумкин. Расмий баёнот берилмаган бўлса-да, бу ҳолат Ким Чен Ин давридаги эҳтиёткор ижтимоий-сиёсий очиқлик сифатида баҳоланмоқда.
Маълумот ўрнида, Ким Чен Иннинг отаси Ким Чен Ир 1996 йилда аёлларга велосипед минишни таъқиқлаган, бунга амалдорнинг қизига оид фожиали ҳодиса ва “ҳилпираган этаклар орқали эътибор жалб қилиниши” хавотири сабаб бўлган. Ўша даврда аёлларга шим кийишга ҳам рухсат берилмаган.
2012 йилга келиб, Ким Чен Ин аллақачон велосипед ҳаракатини либераллаштиришни маъқуллаган эди.
Ҳозирги кунда Пхенянда аёллар велосипедда юриши одатий ҳолга айланган. Қишлоқларда эса у ягона транспорт воситаси сифатида хизмат қилмоқда. Шим кийиш тақиқи ҳам бекор қилинган, ҳатто Ким Чен Иннинг рафиқаси Ли Сол Жу ҳам баъзида шим кийган ҳолда жамоат олдида кўриниш беради.
