Тошкент шаҳрида ниқоб таққан уч нафар эркак Paynet терминалини ўғирлашга уринди, аммо оғирлик сабабли уни машинага кўтара олишмади.
ИИББ маълумотига кўра, ҳодиса 3 август куни соат 23:50 да Учтепа туманида содир бўлган. Tracker автомашинасида келган А.Ш., Т.Ф. ва З.З. қўлқоп ва бош кийимлар орқали ўз юзларини яширган, шунингдек, машинанинг давлат рақамларини ечиб олган.
Терминални кўтаришга уринган гумонланувчилар уни тушириб юборган. Шовқиндан фуқароларнинг эътибори тушганини пайқаган улар шикастланган терминални ташлаб, воқеа жойидан қочган.
Тезкор-қидирув ишлари натижасида барча гумонланувчилар қўлга олинди. Тергов бўлими томонидан ЎзР ЖК 25-моддаси орқали 169-моддаси (ўғирликка суиқасд) билан жиноят иши қўзғатилди.
