LENZ Therapeutics компанияси яратган VIZZ кўз томчилари катталарда ёшга боғлиқ яқинни кўролмаслик (пресбиопия)ни даволаш учун мўлжалланган. Препарат ярим соат ичида кўриш қобилиятини яхшилайди ва таъсири 10 соатгача сақланади. Бу эса бозордаги ўхшаш дорилардан деярли икки баробар узоқроқ самара беришини англатади.
600 дан ортиқ киши иштирок этган клиник синовларда VIZZ хавфсиз ва самарали экани тасдиқланди. Энг кўп учрайдиган ножўя таъсирлар — кўзда тирнаш, хира кўриш ва бош оғриғи. Шу билан бирга, мутахассислар дори самарадорлиги кам ёруғлик шароитида чекланиши мумкинлигини қайд этмоқда.
Препаратнинг дастлабки намунаси 2025 йил октябрда АҚШ шифокорларига тақдим этилади. Йил охирига эса тахминан $100 нарх билан бозорга чиқиши кутилмоқда.
