Россияда суд Тожикистон фуқаросини исириқ (ҳазориспанд, гармала) ўсимлигини мамлакатга олиб киришга урингани учун 8 йилга озодликдан маҳрум қилди.
Маълумот ўрнида, исириқ Россияда таркибида гиёҳвандлик моддаси мавжуд ўсимликлар рўйхатига киритилган.
Тожикистонлик аёл Россия аэропортларидан бирида қўлга олинган. Унга нисбатан Россия Жиноят кодексининг 228-моддаси 2-қисми («Гиёҳвандлик воситаларини ўтказиш мақсадини кўзламай сақлаш, ташиш, ишлаб чиқариш ва қайта ишлаш») ва 229.1-моддаси 3-қисми («Россия божхона чегараси орқали таркибида гиёҳванд моддалар бўлган ўсимликларни ноқонуний олиб ўтиш») бўйича айблов эълон қилинган.
Тергов якунлангач, жиноят иши судга юборилиб, судланувчи 8 йилга озодликдан маҳрум этилган.
Бош прокуратура Россия ҳудудига исириқ олиб кириш ва ундан фойдаланишга уринишдан огоҳлантириб, «10 бирликдан ортиқ ҳазориспандни» ташиш ва сақлаш учун қоидабузар 1 миллион рублгача жарима ёки умрбод қамоқ жазосига тортилиши мумкинлигини эслатди.
