Ўзбекистонда жорий қабул кампанияси доирасида абитуриентлар томонидан ҳужжат топшириш жараёнлари давом этмоқда. Расмий маълумотларга кўра, O‘zbekiston Milliy universiteti (O‘zMU) абитуриентлар энг кўп ҳужжат топширган олий таълим муассасаси бўлди.
Жорий йилда ушбу университетга 3 миллион 420 мингдан ортиқ абитуриент ҳужжат йўллаган. Бу кўрсаткич мамлакат бўйича барча давлат ва хусусий олийгоҳлар орасида энг юқори натижа сифатида қайд этилган.
Энг кўп абитуриент жалб этган олийгоҳлар бешлигига, Миллий университетдан ташқари, Profi University, Toshkent davlat iqtisodiyot universiteti, University of Business and Science Toshkent filiali ва Toshkent davlat pedagogika университети ҳам кирди.
