Самарқанд вилояти Каттақўрғон туманида собиқ ҳарбий қисм ер майдонини ноқонуний тарзда сотишга уринишга чек қўйилди.
Бош прокуратура хабарига кўра, ҳокимлик захирасида бўлиб турган 12,7 гектар ерни расмийлаштириб беришни ваъда қилган фуқаро Б.Х. уни 600 минг долларга сотмоқчи бўлган.
Вилоят ИИББ Ер ресурслари талон-торож қилинишига қарши курашиш бўлинмасига келиб тушган мурожаат асосида ўтказилган тезкор тадбирда у 40 минг доллар аванс олган пайтида ашёвий далиллар билан қўлга олинди.
Ҳодиса юзасидан Жиноят кодексининг 25,168-моддаси 4-қисми «а» банди билан жиноят иши қўзғатилиб, дастлабки тергов ишлари бошланди.
