Президент мустақиллик байрами тадбирида сўзлаган нутқида мамлакатимизда сўнгги 8 йил ичида қўлга киритилган асосий натижаларни санаб ўтди. Жумладан, ЯИМ 2 бараварга ўсиб, 115 миллиард долларга етди, йил якунига қадар бу кўрсаткич 130 миллиард долларга етиши кутилмоқда. Шу давр мобайнида 130 миллиард доллар хорижий инвестициялар киритилди.
Туризм соҳасида 10 миллион сайёҳ қабул қилинди ва 3 миллиард долларлик хизматлар кўрсатилди. Электр энергияси генерацияси 85 миллиард кВт/соатга етди, унда “яшил энергия”нинг улуши 30 фоизга кўтарилди. Шунингдек, пойтахтимизда замонавий Олимпия шаҳарчаси қурилди.
Соғлиқни сақлаш соҳасида ҳам муҳим ўзгаришлар кузатилди: ўртача умр кўриш 73,8 ёшдан 75,1 ёшгача узайди. Тиббиёт учун ажратиладиган маблағлар 6 баравар оширилди ва юқори технологик тиббий хизматлар аҳолига маҳаллагача етказилди. Бугунги кунда шундай мураккаб амалиётларнинг 400 дан ортиғи туман ва вилоятларда амалга оширилмоқда.
