Хитой қудратли қуролларини намойиш этди.
Хитойда Иккинчи жаҳон урушидаги Ғалабанинг 80 йиллигига бағишланган парадда DF-5C қитъалараро стратегик ядровий ракетаси илк бор намойиш этилди, деб хабар бермоқда Global Times.
Ракета технологиялари ва ядровий қуролсизланиш бўйича эксперт, профессор Янг Ченгжуннинг нашрга маълум қилишича, ушбу ракетанинг кутилаётган масофаси 20 минг км дан ошади (экватор узунлиги 40 минг км). GT шуни таъкидлайдики, шу тарзда ракета дунёнинг исталган нуқтасини нишонга олиши мумкин.
Ракетанинг хусусиятлари орасида Янг юқори парвоз тезлиги (ўнлаб Mach рақамлари), юқори аниқлик, оддий ва ядровий зарядларни ташиш қобилиятини номлади.
Хитой парадда гипертовушли ракеталарнинг яна учта турини кўрсатди — YJ-21, ДF-17 ва DF-26D. YJ-21 — бу самолётдан учириладиган баллистик ракета; DF-17 ўрта ва қисқа масофага учувчи ракета, DF-26 эса ядровий ва оддий ракеталарни ташишга қодир баллистик ракета ҳисобланади.
Хитой пойтахти Пекинда ўтказилган парадда ўнлаб давлат раҳбарлари қатнашди. Улар орасида Ўзбекистон, Россия, Ҳиндистон, Қозоғистон, КХДР ва бошқа давлатлар ҳам бор.
