Шавкат Мирзиёевнинг Хитойга ташрифи давомида бир қанча соҳалар бўйича35 миллиард долларлик лойиҳалар пакети шакллантирилган.
Бу ҳақида Шавкат Мирзиёев раислигида мактабгача ва мактаб таълими соҳасидаги ислоҳотлар ижроси ва келгусидаги устувор вазифалар юзасидан видеоселектор йиғилишида айтилди.
Йиғилишда имзоланган лойиҳалар учун технологиялар ва хитой тилини яхши биладиган минглаб кадрлар кераклиги таъкидланди. Касбга ўргатишда Хитой тажрибасини жорий этиш мақсадида ҳар бир вилоятда 2 тадан “Ўзбекистон –Хитой устахонаси”ни ташкил қилиш топширилди.
Шунингдек, олийгоҳ, техникум ва мактабларда хитой тилини ўқитиш мақсадида 100 дан зиёд тил эгалари ва волонтёрлар таклиф қилиниши таъкидланди.
