АҚШда 22 ёшли йигит донор сифатида аъзолари олиб қўйилишига сониялар қолганда ҳаёти сақлаб қолинди. Бу ҳақда CNN хабар берди.
Ҳодиса 2019 йилда содир бўлган. Ларри Блэк опасиникига йўл олган пайтда орқасидан ўқ тегиб ярадор бўлади. Аввалига у оғриқ сезмаган ҳолда йўлини давом эттирди, аммо кўп ўтмай йиқилиб тушди. Тез ёрдам ходимлари уни шифохонага олиб боришди.
Шифокорлар Блэкнинг оиласига энг ёмон хабарга тайёрланишни айтишган. Бироқ Ларрининг ўзи айтишича, у палатада яқинларининг овозини эшитган ва уларга ишора қилишга ҳаракат қилган. Сингиллари ундан «бизларни танийсанми?» деб сўрашганида, у кўзини қимирлатган, қўли билан эса ётган ерини уришга уринган.
Оила аъзолари бу ҳаракатларни шифокорларга кўрсатишган, аммо улар уни дорилар таъсирида юзага келган онгсиз ҳаракатлар деб баҳолашган. Шу боис бемор донор сифатида аъзоларини олиб қўйиш учун операцияга тайёрланаётган пайтда, унинг юраги ҳали ҳам уриб тургани ва мия фаолияти тўлиқ тўхтамагани аниқлангач, амалиёт тўхтатилди ва ҳаёти сақлаб қолинди.
