Мадагаскарда ёшлар — “Z авлоди” вакиллари бошчилигидаги оммавий намойишлар мамлакатда сиёсий инқирозни келтириб чиқарди. Jeune Afrique нашрининг ёзишича, давлат раҳбари Андри Радзуэлина бир неча ҳафталик норозиликлардан сўнг пойтахтни тарк этган.
Манбаларга кўра, президентнинг жойи ҳозирча расман тасдиқланмаган, аммо у “кўплаб намойишлар босимида шахсан хавфсизлигини таъминлаш мақсадида” пойтахтни ташлаб кетган бўлиши мумкин.
Мадагаскардаги норозилик намойишлари сентябрь ойининг охирида бошланган. Демонстрантлар тоза ичимлик суви ва электр таъминотига учу етарли имкониятини яратиш, ҳамда соғлиқни сақлаш тизимини ислоҳ қилишни талаб қилган. Президент Радзуэлина эса “энергия таъминоти муаммоси ҳал этилмаса, истеъфога чиқишга тайёрлигини” айтган эди.
Намойишларда минглаб ёшлар иштирок этмоқда. Улар “Курашни мувофиқлаштириш қўмитаси” номли ҳаракат тузган бўлиб, давлат сиёсатида шаффофлик ва ижтимоий адолат талаб қилмоқда.
Кеча эса мамлакатнинг армия кадрлар корпуси (CAPSAT) президент буйруғига бўйсуниб, намойишчиларга ўқ узишни рад этган. Ҳарбийлар бошқа куч тузилмаларини ҳам тинч фуқароларга қарши куч ишлатмасликка чақирган.
Қизиғи шундаки, 51 ёшли Андри Радзуэлина ўзи ҳам 2009 йилда кўча намойишлари орқали ҳокимиятга келган эди. У 2019 йилда президент этиб сайланиб, 2023 йилда қайта сайланган.
