Ижтимоий тармоқларда Наманган вилояти Янгиқўрғон туманида 7 ёшли қизалоқ зўрлангани ҳақидаги хабар кенг муҳокамага сабаб бўлди.
Тезкор-қидирув тадбирлари натижасида мазкур жиноятни содир этишда гумонланган 38 ёшли Б.С. қўлга олинди. Суд қарорига кўра, у ҳозирда қамоққа олинган.
Маълум бўлишича, Б.С. 2020 йилда ҳам номусга тегиш жиноятида айбдор деб топилиб, 10 йил 2 ойга озодликдан маҳрум қилинган. Аммо кейинроқ суд қарори билан унинг жазоси енгилроқ турга — ахлоқ тузатиш ишларига алмаштирилган, шу боис у озодликка чиққан.
Бу ҳолат жамоатчилик норозилигига сабаб бўлди.
Шу воқеадан сўнг Олий Мажлис депутати Дилноза Азизова педофиллар учун умрбод озодликдан маҳрум этиш жазосини жорий этишни таклиф қилди.
“Боланинг ҳаёти билан ўйнаш — инсонийликка қарши жиноят. Бундай разиллар учун кечириш ёки енгил жазо бўлмаслиги керак. Агар шундайларга юмшоқ муносабатда бўлсак, келажагимизни ўз қўлимиз билан йўқ қилаяпмиз”, — деди депутат.
