Жанубий кореялик археологлар Пэкче давлати даврига оид дунёдаги энг қадимий муз сақлаш иншоотини топишди. Топилма ЮНЕСКО мероси ҳисобланган Пусосансон қалъаси ичида аниқланган.
Иншоот 7×8 метр ўлчамдаги ва 2,5 метр чуқурликдаги тошга ўйиб қилинган камера бўлиб, музни узоқ вақт сақлаш учун мўлжалланган. Унинг марказида эриган муз сувини чиқариш учун махсус айлана шаклдаги тешик ҳам бор.
Шу жойдан бешта қадимий хитой тангаси солинган керамик идиш ҳам топилган — бу қурилиш вақтида ер рухларига бағишлаб қилинган қурбонлик маросими бўлган.
Олимлар бу топилма Пэкче давлатида илк инфраструктуравий ечимлар анча ривожланганини ва муз сақлаш технологияси кўп ўйланган муҳандислик ютуғи бўлганини таъкидлашмоқда.
