Россия Хавфсизлик кенгаши раисининг ўринбосари Дмитрий Медведев АҚШнинг Россияга нисбатан янги санкциялари ва Дональд Трампнинг Владимир Путин билан Будапештдаги учрашувни бекор қилишини “уруш акти” деб атади.
“АҚШ — бизнинг қарши томонимиз. Уларининг гапсўзга ўч ‘тинчликпарвари’ энди Россияга қарши уруш йўлига тўлиқ кирди. Бу энди унинг шахсий можароси”, — деб ёзди Медведев ўзининг Telegram-каналида.
Сиёсатчининг фикрича, Вашингтоннинг бу қарорлари Россияга Украинадаги ҳарбий объектларга “турли хил қуроллар билан” зарбалар бериш имконини яратади.
“Ғалаба фақат жанг майдонида қўлга киритилади. Қоғоздаги келишувлар эмас, душманни йўқ қилиш орқали ғалаба қозониш лозим”, — дея таъкидлади у.
22 октябрь куни АҚШ Молия вазирлиги “Роснефть”, “ЛУКОЙЛ” ва уларнинг қатор дочки компанияларига нисбатан санкциялар жорий этди. Вашингтон буни “Россиянинг тинчлик жараёнига жиддий қизиқиш билдирмаётгани” билан изоҳлади.
Шундан сўнг АҚШ президенти Дональд Трамп Москвадан дарҳол ўқ отишни тўхтатишни талаб қилди ва “Биз жуда узоқ кутдик”, — деди. Шу билан бирга, давлат котиби Марко Рубио Вашингтон ҳануз Москва билан мулоқотга қизиқиш билдираётганини таъкидлади.
