Эронлик волейболчи, миллий жамоа собиқ аъзоси Собир Каземий бассейн ичида ток уришидан оғир жароҳат олди. У ҳозирча ҳаётни сақлаб турувчи қурилмаларга уланган ҳолда реанимация бўлимида ётибди.
Маълумотларга кўра, ҳодиса спортчи Қатарнинг “Ал-Райён” клуби билан машғулотдан сўнг шўнғиш бассейнида бўлган пайтда содир бўлган.
Эрон волейбол федерацияси маълум қилишича, шифокорлар спортчининг мия фаолияти тўхтаганини аниқлашган.
26 ёшли Каземий Эрон волейболининг энг ёрқин вакилларидан бири саналади. У 2021 йилги Осиё чемпионатида жамоасига олтин медаль келтирган ва турнирнинг энг яхши ўйинчиси деб топилган эди.
