ОТМ битирувчиларини ишга жойлаштиришни рағбатлантириш мақсадида тадбиркорларга 7 йилгача, 2 йиллик имтиёзли давр билан кредит ажратилади.
Кредит миқдори — 5 млрд сўмгача, йиллик ставка — Марказий банк ставкасидан 4% юқори. Ҳар 1 млрд сўм кредит учун тадбиркор камида 1 нафар битирувчини ишга олиши шарт.
Агар тадбиркор битирувчи билан меҳнат шартномасини 2 йил ичида бекор қилса, кредит фоизи тижорат ставкасига оширилади.
Шунингдек, энг яхши стартап ва инновацион лойиҳа муаллифларига 1 млрд сўмгача грант берилади, бунда улар камида 2 нафар битирувчини ишга олиши керак.
