ДХХ Қашқадарё вилояти бошқармаси ва Иқтисодий жиноятларга қарши курашиш департаменти томонидан Каттақўрғон туманида ўтказилган тезкор тадбирда Навоий ва Самарқанд вилоятларида яшовчи 1982, 1984 ва 1996 йилларда туғилган 3 нафар фуқаро қўлга олинди.
Улар оғирлиги 475 грамм бўлган, 994 асиллик даражасига эга 2 бўлак олтин қуймани 737 млн сўмга сотишга келишиб, олдиндан 500 млн сўм олган пайтда ашёвий далиллар билан ushlandi. Олтиннинг умумий қиймати 740,4 млн сўм экани аниқланган.
Айни пайтда уларга нисбатан Жиноят кодексининг 177-моддаси 4-қисми “а” банди билан иш қўзғатилиб, тергов ҳаракатлари олиб борилмоқда. Қолаверса, ушланганларнинг икки нафари аввал ҳам судлангани маълум бўлди, улардан бири ҳозирда ахлоқ тузатиш ишлари жазосини ўтамоқда.
