UzAuto Motors’нинг маълум қилишича, 3 ноябрда сотувга қўйилган 100 мингта Cobalt’dan 20 833 таси учун тўлов тушган, қолган шартномалар бекор қилинган.
Эндиликда онлайн харид қилиб улгурмаганлар исталган расмий дилердан Cobalt сотиб олиши мумкин. Мижозлар дилерни эркин танлайди, мавжуд машиналардан танлаб олади ва қўшимча жиҳозларни шу ерда ўрнаттириши мумкин.
20 ноябрь ҳолатига кўра, дилерларга 2 624 Cobalt етказилган, шундан 1 969 таси сотилган.
Компания дилерлик сотувлари онлайн харид қилган мижозларга машиналарни ўз вақтида топшириш жараёнига таъсир қилмаслигини такидлайди.
