Сирдарё вилоятида Гулистон давлат университети қошидаги Репрессиялар қурбонлари музейи қўриқчиси талабага нисбатан жинсий характердаги номақбул ҳаракатлар содир этди. Бу ҳақда Олий суд матбуот хизмати хабар берди.
Тергов маълумотларига кўра, 21-сентябрь куни эрталаб 63 ёшли ходим музейда бошқа одам қолмаган пайтда ташриф буюрган талабага нисбатан уятсиз ҳаракатлар қилган. Эркак қизнинг елкаси ва қўлидан ушлаган.
Судда у айбини тан олмаган ва қилган ишини “талабани четга олиб қўйишга уриниш” билан изоҳлаган. Аммо суд иш материалларини кўриб чиққач, уни Маъмурий жавобгарлик тўғрисидаги кодекснинг 41-1-моддаси (“Жинсий зўравонлик”) бўйича айбдор деб топади ва унга беш сутка маъмурий қамоқ жазоси тайинланган.
