АҚШ президенти Дональд Трампнинг бойлиги 2025 йил сентябридан ноябр охиригача 7,3 миллиард доллардан 6,2 миллиард долларга тушди. Шу тариқа унинг умумий капитали 1,1 миллиард долларга қисқаргани ҳақида Forbes журнали хабар берди.
Трамп бойлигининг бунчалик кескин камайишига асосий сабаб — Trump Media & Technology Group (TMTG) компанияси акциялари қадрининг тушиб кетиши. Мазкур компания Трамп активлари портфелида катта улушни ташкил қилади.
Октябрь ойи охирига келиб, TMTG акциялари NASDAQ биржасида ўз қийматининг тахминан 42 фоизини йўқотган. Бир дона акция нархи 10,18 долларгача тушган ва тарихий минимумга яқинлашган.
Аввалроқ, Дональд Трамп мемкоин ишга туширилганидан кейин бир суткада 25 миллиард доллардан ортиқ даромад олгани ҳақида хабар қилинган эди.
