Ҳиндистонда жуда ноодатий воқеа юз берди: маҳаллий авиакомпания йўқолган йўловчи самолётини 13 йил ўтиб тасодифан аниқлади. Бу ҳақда The Daily Mail нашри хабар берди.
Маълум бўлишича, самолёт 2012 йилдан бери Калькутта аэропортида ташлаб кетилган. Авиакомпания эса унинг қаерда эканини фақат аэропорт маъмурияти самолётни олиб кетишни талаб қилганидан сўнг билиб қолган.
Аэропорт маъмурияти шу билан бирга авиакомпанияга 85 минг фунт стерлинг (тахминан 9,1 миллион рубль) миқдорида ҳисоб-фактура ҳам тақдим этган. Бу маблағ самолётнинг кўп йиллик тўхтаб тургани — “парковка” учун ундирилган.
Авиакомпания вакилларининг тушунтиришича, мазкур самолёт аввал Indian Airlines — давлат авиакомпанияси номига рўйхатдан ўтган бўлган. 2007 йилда эса у Ҳиндистоннинг флагман авиакомпанияси билан бирлаштирилган. Кейинчалик самолёт Ҳиндистон почта хизмати томонидан юк ташиш рейслари учун ижарага олинган.
Самолёт анча йиллар аввал эксплуатациядан чиқарилган ва расмий ҳужжатларда тилга олинмаган. Шу сабабли авиакомпания унинг ўзига тегишли эканидан ҳам бехабар бўлиши мумкин. Натижада самолётни қидириш бўйича ҳеч қандай чора кўрилмаган.
