«Миллий тикланиш» партияси етакчиси ва депутат Алишер Қодиров Россияда антимигрант рейдлар ортидан Ўзбекистон фуқаросининг ҳалок бўлгани ҳақидаги хабарлардан сўнг муносабат берди. Унинг таъкидлашича, Россиядаги вазият ой сайин ёмонлашиб бормоқда, рус махсус хизматлари Марказий Осиёликларни келгусидаги нотинчликларда эҳтимолий иштирокчи сифатида кўраётгани сабаб улардан келадиган фойдадан воз кечилган.
«Ақлингизни ишлатинг, Россиядан тезроқ кетинг. Ҳеч қандай даромад ота-она ва фарзандларингизнинг кўз ёшига арзимайди», — деди Қодиров.
