Канаданинг Торонто шаҳрида ўтказилаётган дунёнинг энг нуфузли тоғ-кон ва геология платформаларидан бири — PDAC-2026 доирасида ташкил этилган “Uzbekistan Day” тадбирида Ўзбекистоннинг критик минераллар салоҳияти халқаро аудиторияга намойиш этилди.
Ўзбекистон Республикаси Тоғ-кон саноати ва геология вазирлиги бошчилигида ўтказилган мазкур тадбирда мамлакатимизнинг геологик имкониятлари, инвестицион салоҳияти ҳамда Mine-Metal-Market тўлиқ қиймат занжирига асосланган саноат модели глобал ҳамжамият вакилларига тақдим этилди.
Тадбирда Ўзбекистоннинг АҚШдаги Фавқулодда ва Мухтор Элчиси, Ташқи ишлар вазирлиги вакиллари, шунингдек, Президент Шавкат Мирзиёев ташаббуси билан ташкил этилган, мамлакатнинг критик минераллар салоҳиятини намойиш этувчи илк ва ягона саноат оператори — Ўзбекистон технологик металлар комбинати раҳбарияти, маслаҳатчилари ҳамда халқаро экспертлар иштирок этди.
“Uzbekistan Day” глобал тоғ-кон ва металлургия саноати вакиллари томонидан катта қизиқиш билан кутиб олинди. Тадбирда 200 га яқин компания ва институт вакиллари, жумладан, Alpha Bronze, халқаро муҳандислик гиганти AtkinsRéalis, AGT Systems NA, аэрогеофизик хизматлар бўйича етакчи Xcalibur, Speyside, Global Mining Capital Corp, Freedom Capital Markets каби йирик компаниялар раҳбарияти, АҚШ Геология хизмати (USGS) ҳамда Европа Комиссиясининг критик хомашё сиёсати йўналиши бўйича вакиллари иштирок этди.
Скотт Сазерленд, Қидирув геофизиклари жамияти бошқарув директори:
— PDAC доирасида ташкил этилган Ўзбекистон кунига бағишланган сессияда иштирок этдим. Ўзбекистон тақдим этаётган геологик ва кончилик салоҳияти менда катта таассурот қолдирди. Жорий йил якунига қадар Қидирув геофизиклари жамияти томонидан Ўзбекистонда, хусусан, Тошкент шаҳрида кончилик соҳасига бағишланган халқаро конференция ўтказиш режалаштирилмоқда. Ўзбекистон ҳукумати билан йўлга қўйилган самарали ҳамкорликдан мамнунмиз ва келгусида мамлакатда янада фаол иш олиб бориш, унинг мавжуд ресурс салоҳияти ҳамда улкан имкониятларини рўёбга чиқаришга ўз ҳиссамизни қўшишни мақсад қилганмиз.
Тадбир давомида мамлакатимизда амалга оширилаётган кенг кўламли ислоҳотлар, янги конларни ўзлаштириш, нодир ва технологик металларни чуқур қайта ишлаш бўйича истиқболли лойиҳалар, шунингдек, халқаро ҳамкорликни кенгайтиришга қаратилган ташаббуслар тақдим этилди.
Шунингдек, тадбир доирасида Ўзбекистон технологик металлар комбинати томонидан Канада компанияси OMAD International Inc. билан инвестицияларни жалб этиш ва саноат ҳамкорлигини ривожлантиришга қаратилган меморандум имзоланди. Бундан ташқари, Erdenes IT LLC компанияси билан технопаркларни ташкил этиш, қўшма илмий-тадқиқот ташаббусларини амалга ошириш ҳамда тоғ-кон, геология ва халқаро маркетинг йўналишларида ҳамкорликни назарда тутувчи ҳамкорлик меморандуми тузилди.
Мазкур келишувлар Ўзбекистоннинг геологик салоҳиятини юқори қўшилган қийматга эга, глобал бозорда рақобатбардош саноат маҳсулотларига айлантиришга қаратилган Mine-Metal-Market моделини халқаро миқёсда илгари суриш ҳамда мамлакатни критик минераллар глобал қиймат занжирининг муҳим бўғинига айлантириш йўлидаги изчил стратегик ёндашувни акс эттиради.
Канаданинг Торонто шаҳрида ўтказилаётган дунёнинг энг нуфузли тоғ-кон ва геология платформаларидан бири — PDAC-2026 доирасида ташкил этилган “Uzbekistan Day” тадбирида Ўзбекистоннинг критик минераллар салоҳияти халқаро аудиторияга намойиш этилди.
Ўзбекистон Республикаси Тоғ-кон саноати ва геология вазирлиги бошчилигида ўтказилган мазкур тадбирда мамлакатимизнинг геологик имкониятлари, инвестицион салоҳияти ҳамда Mine-Metal-Market тўлиқ қиймат занжирига асосланган саноат модели глобал ҳамжамият вакилларига тақдим этилди.
Тадбирда Ўзбекистоннинг АҚШдаги Фавқулодда ва Мухтор Элчиси, Ташқи ишлар вазирлиги вакиллари, шунингдек, Президент Шавкат Мирзиёев ташаббуси билан ташкил этилган, мамлакатнинг критик минераллар салоҳиятини намойиш этувчи илк ва ягона саноат оператори — Ўзбекистон технологик металлар комбинати раҳбарияти, маслаҳатчилари ҳамда халқаро экспертлар иштирок этди.
“Uzbekistan Day” глобал тоғ-кон ва металлургия саноати вакиллари томонидан катта қизиқиш билан кутиб олинди. Тадбирда 200 га яқин компания ва институт вакиллари, жумладан, Alpha Bronze, халқаро муҳандислик гиганти AtkinsRéalis, AGT Systems NA, аэрогеофизик хизматлар бўйича етакчи Xcalibur, Speyside, Global Mining Capital Corp, Freedom Capital Markets каби йирик компаниялар раҳбарияти, АҚШ Геология хизмати (USGS) ҳамда Европа Комиссиясининг критик хомашё сиёсати йўналиши бўйича вакиллари иштирок этди.
Скотт Сазерленд, Қидирув геофизиклари жамияти бошқарув директори:
— PDAC доирасида ташкил этилган Ўзбекистон кунига бағишланган сессияда иштирок этдим. Ўзбекистон тақдим этаётган геологик ва кончилик салоҳияти менда катта таассурот қолдирди. Жорий йил якунига қадар Қидирув геофизиклари жамияти томонидан Ўзбекистонда, хусусан, Тошкент шаҳрида кончилик соҳасига бағишланган халқаро конференция ўтказиш режалаштирилмоқда. Ўзбекистон ҳукумати билан йўлга қўйилган самарали ҳамкорликдан мамнунмиз ва келгусида мамлакатда янада фаол иш олиб бориш, унинг мавжуд ресурс салоҳияти ҳамда улкан имкониятларини рўёбга чиқаришга ўз ҳиссамизни қўшишни мақсад қилганмиз.
Тадбир давомида мамлакатимизда амалга оширилаётган кенг кўламли ислоҳотлар, янги конларни ўзлаштириш, нодир ва технологик металларни чуқур қайта ишлаш бўйича истиқболли лойиҳалар, шунингдек, халқаро ҳамкорликни кенгайтиришга қаратилган ташаббуслар тақдим этилди.
Шунингдек, тадбир доирасида Ўзбекистон технологик металлар комбинати томонидан Канада компанияси OMAD International Inc. билан инвестицияларни жалб этиш ва саноат ҳамкорлигини ривожлантиришга қаратилган меморандум имзоланди. Бундан ташқари, Erdenes IT LLC компанияси билан технопаркларни ташкил этиш, қўшма илмий-тадқиқот ташаббусларини амалга ошириш ҳамда тоғ-кон, геология ва халқаро маркетинг йўналишларида ҳамкорликни назарда тутувчи ҳамкорлик меморандуми тузилди.
Мазкур келишувлар Ўзбекистоннинг геологик салоҳиятини юқори қўшилган қийматга эга, глобал бозорда рақобатбардош саноат маҳсулотларига айлантиришга қаратилган Mine-Metal-Market моделини халқаро миқёсда илгари суриш ҳамда мамлакатни критик минераллар глобал қиймат занжирининг муҳим бўғинига айлантириш йўлидаги изчил стратегик ёндашувни акс эттиради.
