Тошкентда уста шеригини “шланка” билан уриб ўлдирди.Бу ҳақда Тергов департаменти Матбуот хизмати хабар бермоқда.
Аниқланишича, 2022 йил 7 февраль куни 43 ёшли Ю.О. ва Б.Э.лар Бектемир тумани Мажнунтол маҳалласида жойлашган хонадонга таъмирлаш ишларини олиб бориш учун келишган.
Шу куни соат 17:00 ларда иккисининг ўрталарида келиб чиққан келишмовчилик натижасида, ўзаро жанжаллашиб, Ю.О. резинадан ишланган қувур (шланг)нинг бўлаги билан Б.Э.нинг танасининг турли соҳаларига бир неча маротаба уриб, тан жароҳати етказган.
Натижада, Б.Э. олган тан жароҳатлари билан Республика шошилинч тиббий ёрдам илмий марказига ётқизилиб, кўрсатилган тиббий муолажаларга қарамасдан у вафот этган.
Мазкур ҳолат юзасидан Ю.О.га нисбатан ЖКнинг 104-моддаси 3-қисми “д” банди (қасддан баданга оғир шикаст етказиш) билан жиноят иши қўзғатилиб, “қамоққа олиш” тарзидаги эҳтиёт чораси қўлланилган.
Ҳозирда жиноятнинг келиб чиқиш сабаблари ўрганилмоқда, – дейилади хабарда.
