Жорий йилнинг 2 июль куни соат 15:30 атрофида Навоий вилояти Хатирчи туманида 1997 йилда туғилган ҳайдовчи Lacetti автомашинасини юқори тезликда бошқариб кетаётган вақтда рул бошқарувини йўқотиши оқибатида йўлнинг қарама-қарши йўналишига чиқиб кетиб ағдарилган.
Ушбу йўл-транспорт оқибатида автомашина салонида бўлган икки нафар йўловчи воқеа жойида вафот этган.
Автомашинада бўлган яна бир йўловчи оғир тан жароҳати билан шифохонанинг жонлантириш бўлимига ётқизилган.
Ҳозирда мазкур ҳолат юзасидан Навоий вилояти ИИБ тергов бошқармаси томонидан тергов олди ҳаракатлари олиб борилмоқда.
