Ўзбекистоннинг БААдаги элчиси этиб тайинланган Абдулазиз Аққулов ушбу мамлакат президенти Муҳаммад ибн Зайд Ал-Наҳаёнга ишонч ёрлиқларини топширди. Маросим Абу-Дабидаги «Қаср Ал-Ватан» қароргоҳида бўлиб ўтди.
БАА президенти бугунги кунда Ўзбекистон-БАА муносабатлари жадал ривожланиб, янги амалий мазмун билан бойиб бораётганини таъкидлади. Расмий Абу-Даби Ўзбекистон билан ҳамкорликни янада кенгайтириш ва мустаҳкамлаш учун барча чораларини кўришга тайёрлиги қайд этилди.
