Элон Маск навбатдаги янгилигини эълон қилди. Прототип робот кеча АҚШ да ўтказилган тадбирда саҳнага чиқди, юрди ва томошабинларга қўл силкитди.
Робот бир қутини кўтариб олди, ўсимликларга сув қуйди ва Тесла фабрикасидаги метал қолдиқларини йиғиштирганини томошабинлар ҳам экран орқали томоша қилишди.
Элон Маск келажакда роботлар автомашиналардан кўра кўпроқ зарурий эҳтиёж даражасига келишини таъкидлади. 3 ёки 5 йил ичида эса Оптимус учун буюртмалар қабул қила бошлашини айтди.
АҚШ нинг Калифорния штатидаги Тесла биносида ўтказилган йиғилишда Маск “Мақсадимиз қисқа вақтда, фойдаланиш учун мўлжалланган гуманоид яратиш” деди. Ширкат 10 йилдан буён одамсимон роботлар ишлаб чиқариш борасида изланишлар олиб боради.
Салкам 20 минг доллар нархда баҳоланади
Мазкур роботда ҳали мия йўқлиги туфайли ўз ихтиёри билан ҳаракат қилиш қобилиятига эга эмас.
Шунингдек, ушбу роботнинг нархи қимматлиги ва жуда кам миқдорда ишлаб чиқарилишини ҳам айтиб ўтди.
Маскнинг мақсади, кўп қобилиятга эга бўлган робот яратиш ва унга буюртмаларнинг кўпайишини таъминлаш бўлиб, нархини 20 минг АҚШ доллари қилиб белгилаш. Тесла ўзининг робот яратиш билан шуғулланаётгани ҳақида ўтган йил августь ойида ўтказган “Сунъий интеллект” номли тадбирида эълон қилганди. Бу йил августь ўйида кўргазмага чиқиши мўлжалланган робот билан боғлиқ ишлар тўлиқ тугалланмагани учун сентябр ойининг охирига қолди. Маск “Оптимус 5-10 йил ичида бизни ҳайратдан ёқа ушлашга мажбур қилади” деди.
Маскнинг фикрича, Оптимус Тесла фабрикасида чиқиндиларни ташиш каби майда ишлар билан шуғулланаётган бўлсада келажакда уйларда овқат тайёрлаш, ахлатларни тўкиб келиш, ҳаттоки одамларга дўст бўла олиши мумкинлигини айтиб ўтди.
