Нидерландиядаги энг йирик сабзавот, дуккакли ва консерва махсулотлари ишлаб чиқарувчи НАК компанияси Россияга қарши санкциялар фонида электр энергиясининг юқори нархлари туфайли конвейерни олти ҳафтага тўхтатишга мажбур. Бу ҳақда компания сайтида айтилган.
Компания раҳбарияти ишлаб чиқаришни тўхтатиш зарур чора эканлигини таъкидлайди, чунки конвейерни электр энергиясининг жорий нархларида ишлатишнинг имкони йўқ.
“Бу нафақат юқори нарх, балки ноаниқлик туфайли. Бугун бир кубометр газ учун икки евро, кейин уч евро бўлади. Январь ёки февралда нима бўлишини билмаймиз”, — дея тушунтиради компания менежерлари.
Компания ўз маҳсулотлари пештахталардан йўқолиб кетмаслигига умид қилмоқда – компания ўрим-йиғим мавсуми аллақачон якунланган бўлса-да, қиш учун захираларни йиғишга муваффақ бўлди. Шу билан бирга, ишлаб чиқарувчи ўз маҳсулотларининг нархи муқаррар равишда ошишини ва ўсиш 30 фоизгача бўлиши мумкинлигини таъкидлайди.
