Гужарат штати губернатори Брижеш Мержанинг айтишича, воқеада кўприкдаги юзлаб одамлар Макчу дарёсига қулаган ва камида 68 киши ҳалок бўлган. Мержа, қидирув-қутқарув ишларининг давом этаётганини ва бедарак йўқолганлар сонининг ҳали аниқланмаганини билдирди.
Гужарат полицияси бошлиғи Ашиш Бхатианинг айтишича, кўплаб одамлар қутқарилган, аммо қурбонлар сони ортиши мумкин. Маҳаллий матбуотга ёйилган тасвирларда қулаган кўприкнинг сув юзасига баъзи одамларнинг паноҳ топгани кўринади. Бундан ташқари, мазкур кўприк яқинда таъмирланиб, фойдаланишга топширилгани айтилмоқда. Ҳиндистон Бош вазири Нарендра Моди Тwitter саҳифасида берган баёнотида, воқеадан чуқур қайғуда эканлигини таъкидлади:
“Қидирув ва қутқарув гуруҳлари жабрланганларга ёрдам беради. Гужаратдаги фожиа мени хавотирга солмоқда”, деди у.
Моди шунингдек, бахтсиз ҳодисада ҳалок бўлганларнинг яқинларига тахминан 2430 доллар, жароҳат олганларга эса тахминан 600 доллар берилишини айтди. Айрим ОАВ хабарига кўра, ҳалок бўлганлар сони 130 кишига етган.
