Дунёда ягона ҳисобланган тўққизта эгизак сифатида тарих зарварақларига кирган болалар, ҳаётларининг 19 ойини Марокашда ўтказганидан сўнг ва ниҳоят уйларига қайтишди. Ушбу болажонлар, бир пайтда дунёга келган ҳамда яшаб кета олган энг кўп сонли эгизаклар сифатида Гиннес Рекордлар Китобига киритилганди.
2021 йилнинг май ойида туғруқдан олдин болаларнинг онаси Ҳалима Жиссе махсус парвариш зарур бўлгани туфайли Малидан Марокашга учиб кетган эди. Эгизаклар 19 ой давомида штфокорларнинг назоратида бўлишди. Болаларнинг отаси Абдулқодир Арбий, Мали ҳукуматига болаларининг парваришида кўрсатган ёрдамлари учун ўз миннатдорчилигини билдирди.
Мали Соғликни Сақлаш Ташкилоти ушбу оилага моддий кўмак беришни давом эттиришларини билдирган. Эгизакларнинг 5 таси қиз, 4 таси ўғил бўлиб, улар ҳомиланинг ўттизинчи ҳафтасида дунёга келишди.Туғилган чақалоқларнинг вазни 500-1000 грам орасида бўлган.
