АҚШнинг Тошкентдаги элчихонаси Мексика-АҚШ чегараси орқали АҚШ ҳудудига кирмоқчи бўлган ўзбекистонликларни огоҳлантириб, АҚШга киришнинг қонуний йўлларини излаб топишга чақирди:
«АҚШ элчихонаси, ноқонуний йўл билан АҚШ ҳудудига киришга уринаётган шахсларни ўз ҳаётларини жиноятчилик, одам савдоси ҳамда молиявий фирибгарлик қурбонига айланиш хавфи остига қўйишлари ҳақида огоҳлантиради. Ноқонуний йўл орқали АҚШга келиш ҳеч қачон хавфсиз бўлмаган.
Мигрантларни АҚШга хавф-хатарлар остида ноқонуний тарзда миграция қилишдан кўра, ҳудудга киришнинг қонуний йўлларини излаб топишларига чорлаб қоламиз».
Эслатиб ўтамиз, ўтган йили Ўзбекистон ДХХ томонидан Самарқанд туманида яшовчи шахс 3 нафар фуқарони «Ўзбекистон-Россия-Туркия-БАА-Буюк Британия-Мексика-АҚШ» йўналиши орқали Қўшма Штатларга юбориш учун улардан жами 60 минг доллар олган вақтида ашёвий далиллар билан ушланган эди.
