Президент Владимир Зеленский ўз нутқида Канаданинг Украинага танклар беришга тайёр давлатлар қаторига қўшилиши билан Киевга танк етказиб бераётган давлатлар 12 тага етганини маълум қилди.
«Фақат қурол террорчиларни зарарсизлантиради. Ва мен дунёда биз билан ҳақиқатан ҳам террорга қарши курашаётган барчадан миннатдорман. Кўп давлатлар Украинага зарур мудофаа ускуналарини етказиб беришни тезлаштирмоқда. Шунингдек, улар террорчи давлатга нисбатан санкциялар босимини оширишга тайёр. Хусусан, биз танк коалициямизни кенгайтирмоқдамиз. Канаданинг ушбу қарори учун раҳмат! Бизнинг танк коалициямиздадаги давлатлар сони 12 тага етди», дея таъкидлади Зеленский.
Маълум бўлишича, Канада мудофаа вазири Анита Ананд пайшанба куни Канада ҳукумати яқин ҳафталарда Украинага тўртта Leopard-2 танкини жўнатишини эълон қилган.
